IX pide "reabrir el debate" sobre la tasa turística pa protexer el mediu y los servicios

Izquierda Xunida presentará una propuesta pa facer un estudiu sobre la carga turística del Principáu

El voceru parllamentariu d’IX-Convocatoria por Asturies, Xabel Vegas, defendió esti miércoles la necesidá de “reabrir el debate” sobre l’afitamientu d’una “ecotasa turística” que dexe protexer el mediuambiente y los servicios públicos asturianos del impactu del turismu nel Principáu.

La propuesta d’IX, qu’espera qu’entame a discutise nel nuevu periodu de sesiones qu’entamará en setiembre, inxerte tamién un estudiu sobre la carga turística n’Asturies.

La reivindicación, que’l grupu parllamentariu yá fizo enantes, produzse dempués de la “gran afluencia” turística que, por mor de les altes temperatures, vivió’l Principáu’l fin de selmana pasáu, según esplicó Vegas.

El Gobiernu asturianu ta dispuestu a estudiar l’afitamientu d’una tasa turística per nueche, pero ye daqué, dixo la vicepresidenta, Gimena Llamedo, que tienen que pidir los conceyos, y que sedría voluntaria.